文:MenClub 魏文青  
POSTED ON 07 Apr 2022

以往講起可口可樂,就只係得一款紅色,但近年你出街食飯叫杯可樂,侍應就要問你係要黑色、白色定紅色,黎緊仲要整多紫隻色,而且你唔試過根本就唔知佢咩味,因為新可樂個味係叫「Starlight」呀!

「可口可樂Starlight」係品牌旗下「Coca-Cola Creations」面向年輕族群嘅創作。據官方所講,新口味「靈感源自浩瀚星河自古啟發世人無窮想像與探索欲」,而口味方面就係「秉承『可口可樂』的經典美味之餘,創意增添了多層次的滋味,成就神秘的『星光』味道」,睇完都唔知究竟係咩味。但可以肯定嘅係,新可樂會用上「紅紫黑」漸變包裝,而且有大大隻字寫住「Starlight」,肯定唔會認錯。

另外值得一提嘅係,外國早於個令月前就已經推出咗「Starlight」,而且有「正常可樂」同「零糖可樂」兩種口咪,但香港目前只會推出零糖、零卡路里版 (即係黑色可樂)。聽日開始有售。

而為配合「Starlight」上市,品牌亦推出一系列宣傳活動。當中包括iCoke.hk上聲稱係「全自動區分外星人和地球人的公開圖靈測試」嘅「STARLIGHT 星河測試」;IG上亦會推出特別濾鏡。鍾意收集可口可樂週邊嘅朋友亦可以留意佢個幻彩色嘅「可口可樂Starlight」玻璃杯。但個人最期待嘅,就係由Gareth.T創作、MC $oHo & KidNey參與拍攝、將於四月中公佈嘅新歌加MV。