文:MenClub Mean娜  圖:互聯網
POSTED ON 05 Feb 2018

唔少人工作上都要長期坐定定對住電腦,搞到個人又攰又容易頸緊膊痛,不過咁都未夠灰,最灰係無論你瞓得著又好,瞓唔著都好,好多時你都好似成晚冇瞓過咁,完全消除唔到疲勞。如果你都有以上問題,又一路未搵到解決方法,不妨試試神經內科專科京都安田醫院嘅院長所提供嘅「尾指包膠法」。


所謂「尾指包膠法」其實就係將類似撒隆巴斯之類帶有清涼感覺嘅膠布,黐喺尾指第二個關節,據聞只要咁做,就可以瞓個好覺消除疲勞,跟手改善埋頸肩痠痛、頭痛、耳鳴等等問題。點解要貼尾指呢個咁特別嘅部位呢?原來只要尾指肌肉僵硬,就會造成周圍嘅交感神經緊張,亦令對應嘅內臟器官唔舒服,而尾指所牽涉嘅部位,就係頸部以上嘅地方,所以只要放鬆尾指肌肉,你頸部以上嘅部位自然成個鬆晒!