{ SKIP }
文:MenClub 艾力克  
POSTED ON 23 Jul 2021
【迎接東奧】Google主頁推出16-bit風格日系RPG 暢玩7種運動競爭小遊戲

經歷多番波折嘅東京奧運會,終於喺今日正式開幕!為迎接同慶祝呢個大日子,Google聯同日本動畫工作室「STUDIO 4°C」推出一款名為《 Doodle Champion Island Games(Doodle冠軍島運動會 )》嘅日系RPG。遊戲內有7種運動項目挑戰同支線任務,並結合桃太郎、河童、三足烏等日本民間傳說人物以16-bit懷舊風格呈現,所有童年回憶都好似返晒嚟!大家只要打開Google首頁,無論手機定電腦都可以即刻玩到。

玩家將會扮演忍者貓Lucky,按喜好加入藍、紅、綠或黃隊,每一種顏色都分別代表住唔同動物,玩家所揀嘅隊伍將會影響住該陣容全球排名分數,而我就揀黃隊嘅,歡迎大家一齊加入刷分數。

當揀好隊之後,玩家就可以挑戰冠軍島上兵乓波、射箭、滑板、韻律泳、欖球、馬拉松、攀山等七項運動。除此之外,島上亦怖滿住各種有趣NPC等各位去探索,同佢哋傾計有機會觸發支線任務。

遊戲內每項運動都考驗住玩家各種能力,例如韻律泳考節奏感、馬拉松考眼力、兵乓波就考反應等等。而且呢種16-bit嘅遊戲風格,真係不禁令人聯想起90年代嘅經典日本遊戲。

資料來源:Google
Netflix劇集《魷魚遊戲(Squid Game)》席捲全球,開播唔夠一個月就攻佔多國排行榜首位,除咗帶動多位主演Instagram追蹤人數出現爆炸性增長,就連遊戲創作平台《Roblox》都因而爆紅。事關最近有多名開發者喺《Roblox ...
hobby
【電玩】遊戲創作平台《Roblox》湧現大量《魷魚遊戲》小遊戲
28 Sep 2021
日本燒賣名店崎陽軒位於鹿沼車站前的一座雕像近日揭幕,引來大量討論,話說呢座雕像被命名為「燒賣像」,為的是記念崎陽軒的初代社長野並茂吉。雕像由東京藝術大學的非常任講師石井琢郎雕製,藝術嘅野旁人確實識條鐵 ...
hobby
【藝術識條鐵】日本燒賣名店崎陽軒「燒賣雕像」概念太長方引發熱議
27 Sep 2021