文:MenClub 波特先生  圖:互聯網
POSTED ON 28 Jun 2021

公路單車比賽意外,往往唔少都係因為觀眾問題而發生,而近日「環法單車賽」又再次出現嚴重炒車意外,而起因就係黎自1位女觀眾。

「環法單車賽」一向都會有唔少觀眾去到現場賽道兩旁為車手打氣,由於只係用一條膠帶劃出賽道,所以觀眾們其實伸手就可以觸碰到一眾車手。而近日一場賽事,一位女觀眾手握一塊大型舉牌出現喺賽道旁,但佢背對住正向住其方向踩嘅主車群,同時佢塊舉牌竟然伸左出賽道,隨即最頭嘅德國車手Tony Martin就不幸撞向該舉牌,導致炒車。

作為最前頭嘅一位,佢炒車即係連累後面一大班車手相繼齊齊炒,基本上驟眼睇都應該有幾十架炒埋一齊,受傷就梗係走唔甩。

據消息指,呢位導致意外發生嘅女觀眾,當時舉嘅牌寫住Allez Opi-Omi!(為法語「加油」和德語「祖父祖母」),明顯係為左喺鏡頭下展示打氣標語,點知就出事啦....

對於大量車手受傷,環法單車賽官方公開譴責肇事者,並青示唔排除採取法律行動。