{ SKIP }
文:MenClub 艾力克  
POSTED ON 23 Jul 2021
【東奧】中國舉重女將唔瞓「紙板床」索性「打地鋪」 微博網民:小日本不是白叫!

今年東京奧運會為宣揚環保,專程採用可回收硬紙板搭建選手村床架。雖然官方聲稱「紙板床」可承近200公斤,但有唔少中國網民就非常關心體重近150公斤嘅舉重選手李雯雯,深怕佢會瞓得唔舒服或出意外。日前李雯雯入住選手村後即時拍片回應,叫大家唔使擔心,皆因自己冇瞓床而選擇「打地鋪」。由於心痛國家選手要瞓地下,微博網民隨即留言痛斥日本。

(圖片截自:微博@新浪體育

李雯雯用調皮嘅語氣表示:「昨天好多人都問我,這個床是紙的,我睡可以嗎?不用擔心,因為我睡在地上,所以沒有問題啊!」然後又將鏡頭環掃咗一圈,等大家參觀下房內情況,片中並冇任何一句抱怨嘅說話,非常樂觀。

(圖片截自:微博@新浪體育

不過微博網民就唔係咁睇,因為見到國家選手要瞓地下,隨即留言罵爆「小日本真不是白叫的!」、「這房間太小了吧」、「這是為了少賠一點 然後在路邊搭個棚子當奧運村了嗎?」、「這個房間,還不如住酒店」,有關留言更獲得過萬個讚好。

另一邊廂,澳洲曲棍球隊就貼出「紙板床」承重測試結果,可以見到3個球員「跳彈床」都冇問題,而且5個人同時坐喺床上都冇冧到,相信張床都幾堅固嘅。

資料來源:微博

被停賽18個月摧毀左佢嘅職業生涯....
sports
【足球】34歲前曼城球星拿斯尼宣佈掛靴
28 Sep 2021
曼聯球員今舖正啦喂!
sports
【足球】C朗主動要求將其個人餐單加入曼聯餐單中
27 Sep 2021