文:MenClub 波特先生  圖:互聯網
POSTED ON 18 Mar 2022

法甲班霸巴黎聖日耳門雖然今季陣容越見鼎盛,但最終於歐聯卻依然16強止步,因此球隊今夏決定黎個陣容大清洗,其中就包括巴西射手尼馬(Neymar)。

對於再一次失去歐聯晉級機會,PSG方面已經明顯感到無耐性,所以換血勢在必行,其中外界預計尼馬將會係第一位被清洗嘅球星,只要有豪門球隊願意接收佢,巴黎都會即刻首肯交人。

據指如今嘅尼馬已經被放上貨架,PSG方面已經對唔少球隊進行推薦,但暫時未有隊願意接收呢位球星,當中亦包括巴塞隆拿,雖然尼馬曾經好想回歸,但如今嘅巴塞完全無興趣,其中一個主因當然就係無錢啦,大佬尼馬年薪高達3000萬歐元,就算肯減到2000萬年薪,相信如今只會免簽嘅巴塞亦都唔會負擔得起。

(@offial_abl) March 14, 2022

對於PSS黎講,已經30歲嘅尼馬價值正不斷下滑,所以球隊好想盡快甩手,但其合約將會到2025年,所以如果搵唔到下家接手,PSG就要繼續養住呢位球員。值得一提嘅係,如今嘅尼馬表現亦未見突出,今季上陣20場僅攻入5球,相比另一位隊友麥巴比,後者今季上陣36場已經攻入26球。