文:MenClub 波特先生  圖:互聯網
POSTED ON 12 Apr 2022

目前球圈內最令人關注嘅轉會,相信必定係巴黎聖日耳門嘅射手麥巴比,呢位與皇馬一直眉來眼去,又傳利物浦有意介入嘅當紅炸子雞,最新消息指佢已經同皇馬達成口頭協議,究竟有幾多成真,真係要等到結果公佈先知。

今次消息指,皇馬已經答應為麥巴比開出5000萬歐元嘅年薪,合同長達5年,另外佢更會獲得1億歐元嘅簽字費,亦即係話只要麥巴比簽下呢份合約,佢就可以確保至少獲得3.5億歐元收入。

當然,PSG方面亦全力留住麥巴比,有指佢地開出嘅價碼同皇馬一樣,但一直心繫皇馬既佢離隊決心亦唔少,因此皇馬方面亦非常有信心。